Në Bradashesh, qytetarëve të zonës iu është rrezikuar vërtetë jeta, pasi linjat e tensionit të lartë janë këputur duke rënë shumë pranë zonës së banuar.
Shkak për këputjen e linjës së tensionit të lartë është bërë amortizimi dhe moti i nxehtë.
Drejtoria e OST-se shprehet se fidrat 6 dhe 13 në Gracen janë të çkyçur dhe do të tokëzohen për çështje sigurie, me qëllim riparimin e përcjellësit të këputur nga ana 110 kw.
Sipas të dhënave rreth një mijë e 766 abonentë kanë mbetur pa energji elektrike në zonat Bradashesh, Balldren, Jetesh, Petresh, Gracen, Pajenge, Bizhutë, Tërbaç, si dhe fshatrat Shijon, Reçan, Dopaj, Mamël, Shtemaj, Shëngjin, Jarakullak dhe Ulëm të njësisë administrative Gracen.
Në lidhje me ngjarjen kanë reaguar banorët e zonës, të cilët janë shprehur se është incidenti i trete në pak vite dhe kanë bërë thirrje për kompensim monetar. Sakaq janë shprehur se u janë dëmtuar pajisjet elektroshtëpiake dhe nëse nuk marrin dëmshpërblim financiar, do të bllokojnë rrugët.
Discussion about this post