“Këputi krahun”, vdekja e punonjësit të pastrimit të plehrave, zbardhen dëshmitë e kolegëve

Një ngjarje tragjike është shënuar të shtunën, brenda kampit të muhaxhedinëve në Manëz, ku punonjësi i pastrimit të plehrave, i identifikuar si Shaban Teni, 64 vjeç ka ndërruar jetë tragjikisht.

64-vjeçari Teni prind i katër fëmijëve punonte shofer me makinën  e pastrimit në Manëz. Gjatë kohës që gjendej brenda kampit të muhaxheidinëve është bllokuar makineria e shkarkimit të plehrave, ku ai ka plagosur dorën.

Sipas dëshmisë se kolegëve të tij, makineria në një moment është bllokuar dhe teksa ai po tentonte ta zhbllokonte, aksidentalisht ka lëvizur levën dhe makineria e ka tërhequr brenda duke e dëmtuar rëndë. Për një moment 64-vjeçari arrin të shpëtojë, por kishte marrë plagë të thella në krah dhe shpatull, të cilat makineria ia kishte këputur. Për shkak të plagëve të marra, punëtori nuk ka mundur të mbijetojë.