Kërcënim i hapur, Erdogan: Nëse na detyroni do të pushtojmë Selanikun

Këshilltari i Presidentit turk Erdogan, Yigit Bulut ka kërcënuar hapur Greqinë. Bulut me anë të një postimi në Twitter ka shprehur se nëse Turqia vazhdon të sulmohet në çdo fushë , do të kthehet në kufijtë e Betimit Kombëtar. Mediat greke shkruajnë se “nacionalistët turq pranë presidentit Rexhep Tajip Erdogan kanë aspirata për pushtimin e Selanikut si rrugëdalje nga problemet e tyre” thuhet në artikull.

“Nëse struktura perandorake botërore vazhdon të sulmojë kombin e madh turk në çdo fushë, atëherë kombi i madh turk do të kthehet në kufijtë e Betimit Kombëtar” shkruan Bulut në një postim në Twitter.

Intelektuali i njohur turk në mërgim Mehmet Efe Çaman e interpreton kërcënimin si mesazh për të larguar vëmendjen nga rënia e vazhdueshme e lirës.

“Kryekëshilltari i Erdoganit, Bulut, po kërcënon botën me zgjerim pas zhvlerësimit të vazhdueshëm të lirës”- shkruan ai.