Kërcënimet e Erdogan/ Përfaqësuesi i qeverisë greke: Propaganda turke nuk bind askënd

Përfaqësuesi i qeverisë greke, Janis Economou është shprehur se sado që presidenti turk Erdogan të përpiqet për të panikuar, tmerruar realiteti është ndryshe. Referuar kërcënimeve të Erdogan, ai thekson se të gjithë tashmë i kuptojnë pretendimet e tij të pabaza dhe johistorike.

Më tej shton se Greqia është faktor stabiliteti dhe se është e vendosur në çështjet e sovraniteti kombëtar.

“Ne nuk provokojmë. Ne jemi faktor stabiliteti dhe paqeje, por jemi absolutisht të palëkundur në çështjet e sovranitetit kombëtar dhe jemi absolutisht të aftë të menaxhojmë çdo kërcënim në mënyrë efektive”, theksoi ai.