Belind Këlliçi, i ftuar në emisionin KAFE SHQETO në SYRI TV, tha për arrestimin e Veliajt se “kanë fituar qytetarët në fund të ditës, është hequr një keqbërës, një njeri që çdo ditë shkonte ne zyrë për të vjedhur taksat e qytetarëve.
Belind Këlliçi: Modeli im për qytetarët ka qenë, transparencë deri në fund. Dhe çfarë kemi thënë, po faktohet. 100 përqind është e faktuar. Kështu që për mua ajo betejë është kapitull i mbyllur. Ajo betejë është e fituar në interes të qytetarëve. Kanë fituar qytetarët në fund të ditës. Është hequr një keqbërës. Një njeri që çdo ditë shkonte në zyrë për të vjedhur taksat e qytetarëve. Një njeri që me paratë që vidhte paguante çdo ditë media, analiste, gazetare, shantazhonte opozitën, fyen linçon opozitën. Edhe artistët që i dalin në krah, që janë të gjithë ata që kanë marrë projektet më të mëdha. Po me thoni mua një artist nga ata që kanë dalë publikisht që e kanë mbrojtur që nuk ka marrë një projekt në Bashkinë e Tiranës që nuk ka marrë para në Bashkinë e Tiranës. Një te vetëm. Me thoni që nuk është paguar nga Erion Veliaj.
Dhe që ta kuptojnë qytetarët. E gjitha kjo që po ndodh sot me kërcënimet që ai po bën drejtuar prokurorit Dado dhe gjyqtarit Bani. Ai do ta kthejë në një luftë politike. Nuk është aspak lufte politike. Mesazhi që ta kuptojnë fare mirë edhe qytetarët është për dëshmitarët. Sepse çfarë ka ndodhur. Një pjesë e mirë e dosjes është e kopsitur për shkak të dëshmive që kanë dhënë punonjësit e rrethit të ngushtë të Erion Veliajt. Nga ana tjetër po përgatiten shumë dëshmitarë të tjerë të flasin për inceneratorin në Tiranë. Po kërkojnë një pjesë e prestanomeve aty të japin dëshmi për të treguar të vërtetën. Sepse në fund të ditës nuk kanë pse e bëjnë burgun për Veliajn as për Edi Ramën dhe po përgatiten të flasin edhe dëshmitarë të tjerë që janë të gatshëm për 5D. Sepse nuk ka mbaruar 5 D. Thënë këtë, ai mesazh nuk është për prokurorin, nuk është për gjyqtarin. Se nuk ka çfarë u bën atyre. Problemi është se e ka për të intimiduar dëshmitarët.
Për të frenuar dëshmitarët që të japin dëshmi reale, ose për ti intimiduar që të kthejnë dëshmitë në gjykatë gjatë procesit gjyqësor. Kështu që e gjithë kjo tentativë është një tentativë mafioze. Atij nuk i bën përshtypje se mund ti shtohet, se ka një nen në kodin penal Republikën e Shqipërisë që dënon këdo që fyen apo denigron një gjyqtar apo një prokuror për shkak të detyrës. Pak rëndësi i bën atij i shtojnë 3 muaj burg apo 6 muaj burg, pasi është për rrugë të gjatë aty ku ka shkuar. Pra ajo që dua të themi është që mesazhi është për të intimiduar këdo që do të hapë gojën për aferat. Dhe aferat janë të panumërta. Dhe skandalet janë të panumërta. Nuk e di nëse po hetohen aferat e tij edhe në Kanada edhe në Afrikë, sepse kanë patur kompani edhe në Afrikë. Dhe do të duhet që SPAK ta thellojë hetimin. Dhe me këtë rast edhe qytetarët e Tiranës ata që kanë menduar që për 10 vite kanë patur një kryetra bashkie në krye, kanë rastin të shohin se kanë patur një delinkuent. Një keqbërës që me gjuhën me rrugaçërore më banale, shkon dhe fyen, me prokurorë me gjyqtarë. Ma ka bërë Saliu thotë. Po ka budalla në botë që beson se Saliu kontrollon SPAK-un dhe fut në burg Erion Veliajn. Kjo është çmenduria më e madhe që mund të thotë dikush. Por kuptohet, mllefi, urrejtja. Fakti që është kapur me presh në duar dhe fakti që është demaskuar si askush më parë e bëjnë këtë.
Discussion about this post