Pas Ambasadës së SHBA, e cila reagoi mbi kërcënimet e prokurorëve dhe gjyqtarëve, nisur nga dëshmia e dhënë nga Marjus Tafani, sipas të cilit grupi i Laert Haxhiajt kishte në shënjestër dy prokurore, njëra prej të cilave në SPAK, ka ardhur edhe reagimi nga Bashkimi Europian.
Përmes Delefacionit në Shqipëri, BE shprehet thellësisht i shqetësuar për kërcënimet e bëra ndaj autoriteteve të drejtësisë, të cilat sipas tyre punojnë çdo ditë në luftën kundër krimit të organizuar në Shqipëri.
Delegacioni shprehet se mirëpresin angazhimin e autoriteteve shqiptare për të hetuar me shpejtësi këto kërcënime dhe për të mbajtur përgjegjës autorët.
“BE-ja mbështet plotësisht të gjithë zyrtarët që punojnë në luftën kundër korrupsionit dhe krimit të organizuar në Shqipëri, dënon çdo formë sjelljeje kërcënuese ndaj tyre dhe vazhdon të mbështesë vendin në përpjekjet e tij për forcimin e shtetit të së drejtës”, thuhet në këtë deklaratë.
Discussion about this post