Ilan Berman, Zëvendëspresident i Këshillit Amerikan për Politikën e Jashtme, në Uashington DC, ka folur lidhur me rrezikun që paraqet Irani për Shqipërinë, ndërkohë që sot janë hakeruar email-et e deputetëve të Kuvendit. Sipas tij rreziku ekziston duke parë përfshirjen e qeverisë shqiptare me opozitën iraniane lidhur me kampin e MEK-ut, por shton se ky rrezik nuk është i papritur.
“Mendoj se keni të drejtë këtu dhe duhet ta shikojmë pikërisht edhe nga syri i Iranit, regjimi ndjehet i kërcënuar dhe përdor çfarëdo lloj mjeti dhe po zgjeron konfliktin sa më shumë që të jetë e mundur në mënyrë që vende si Shqipëria, por edhe fqinjët në gjirin Persik të reagojnë dhe të vënë presion mbi Washingtonin për ta ulur nivelin e luftës. Këtu kemi një rrezik sepse Irani ka aftësi hibride shumë më të gjera, veçanërisht ato kibernetike siç e kemi parë edhe aktivitetin në Europë, por mendoj se është e qartë që një destabilizim thelbësor i regjimit do të shkaktojë më shumë kaos sesa gjërat të vihen në vijën e duhur. Sigurisht është një rrezik duke parë pikërisht edhe përfshirjen e qeverisë shqiptare me opozitën iraniane, por nuk mendoj se kjo është e papritur”, tha zyrtari amerikan.
“Pra mendoj se çfarë po shohim, jo shumë për sa i përket kontekstit shqiptar, por në kontekstin europian, edhe në atë amerikan, ne po shikojmë që agjencitë ligjzbatuese të japin paralajmërime që ka një potencial për aktivizimin e terroristëve apo të aktiviteteve radikale dhe mendoj se ky është një rrezik potencial dhe mendoj se është drejtpërdrejtë në mënyrë proporcionale me mënyrën se sa thelbësisht i dobët ndjehet regjimi dhe se sa ndjehet që do të humbasë pikërisht edhe kthetrat e veta ndaj pushtetit dhe sigurisht gjërat do të bëhen më keq përpara se të përmirësohen”, shprehet ai.
Discussion about this post