Grupi mafioz Casamonica që vepron në Romë, është fajësuar për një arkivol të zi që u la para shtëpisë së një aktivisteje antimafia 2 ditë më parë.
Aktivistja, Tiziana Ronzio, është presidente e grupit anti-mafia Toripiubella, e quajtur sipas lagjes Tor Bella Monaca ku ishin vendosur vilat e familjes Casamonica derisa u konfiskuan në vitet 2018 dhe 2019.
Policia gjeti dekorime të çmuara, duke përfshirë tigra prej porcelani të përmasave reale të përdorura për të fshehur para, pishina të veshura me diamant dhe tavane me pasqyrë të praruar në shumë prej dhomave. Policia gjeti dhe sekuestroi gjithashtu disa tonë drogë, heroinë dhe kokainë.
Në vitin 2022, dy anëtarë të familjes u dënuan për tentativë për të trafikuar shtatë ton kokainë nga Kolumbia.
Arkivoli u gjet të dielën jashtë rezidencës së Ronzios në Romë në lagjen Tor Bella Monaca.
Ronzio tha se ajo e kishte parë arkivolin dhe se njerëzit i kishin dërguar asaj fotot e tij, por ajo nuk e kuptoi se ishte një kërcënim.
Ndërsa ajo e quajti kërcënimin “budallallëk” dhe tha se nuk do ta ndalonte punën e saj.
“Nuk kam frikë, po ec përpara. Këto janë gjeste budallaqe që na bëjnë edhe më të zemëruar dhe dëshirojmë të luftojmë”, tha Ronzio për mediat lokale.
Ndërkohë, policia e Romës tha se arkivoli po ekzaminohet për gjurmët e gishtërinjve.
Discussion about this post