Arnisa Këlliçi, gjyqtare e Gjykatës së Tiranës, ka marrë një letër kërcënuese, ndërsa kërkon mbrojtje të posaçme. Nga raportimet mësohet se Këlliçi i ëhstë drejtuar me një kërkesë KLGJ-së lidhur me rastin, ku vë në dijeni këtë institucion për letrën kërcënuese që ka marrë, si dhe kërkon mbrojtje.
Dyshimet e para janë se letra mund ti jetë dërguar nga një prej burgjeve të vendit, ndërkohë që pritet që gjithçka të zbardhet nga hetimet.
“Para pak ditësh më është bërë me dije nga Kancelari i kësaj Gjykate që kundrejt meje, gjyqtares Arnisa Kēlliçi, ka patur një kërcënim me jetë.
Për këtë fakt unë nuk kam prova, por më është bërë me dije se ka një kallëzim të depozituar nga ana e Kancelarit të Gjykatës së Shkallës së Parë të Juridiksionit të Përgjithshëm Tiranë.
Sot më datë 20.01.2024, më ka ardhur një letër kërcënuese, që me aq sa mund të deshifroj përmban kërcënime për mua, fëmijët e mi dhe familjen time.
Unë nuk mund të atestoj në asnjë moment për vërtetësinë e kësaj letre
Thënë kjo, për çdo eventualitet, unë kërkoj një mbrojtje të posaçme, për aq sa ju e shihni te nevojshme’, shkruhet në letrën e plotë të gjyqtares Arnisa Këlliçi drejtuar KLGJ.
Në shkresën që ajo i ka drejtuar KLGj-së i vë në dijeni se letra e kërcënuese i ka ardhur këtë të shtunë, kur data shënon 20.01.2024.
Pjesë nga letra kërcënuese:
E dashur Arnisa.
Keni dy fëmijë ….. dhe ….. Mendoni për ta!
Si mund të rroni ju, e jo ata e kjo është e vërtetë.
Me respekt
Discussion about this post