Një ngjarje ka ndodhur në Kosovë, ku një specialist i kardiologjisë është kërcënuar me jetë nga persona ende të paidentifikuar. Mediat vendase shkruajnë se specialisti i kardiologjisë, B.G u kërcënua në kohën kur ishte duke kryer shërbime për pacientë.
SHSKUK-ja e ka dënuar kërcënimin e mbrëmshëm ndaj mjekut kujdestar, duke thënë se këto kërcënime janë të papranueshme, të dënueshme dhe të dëmshme.
“Ato e dëmtojnë rëndë imazhin dhe dinjitetin e mjekut, por e dëmtojnë edhe ofrimin e shërbimeve shëndetësore cilësore për gjithë qytetarët e Kosovës”- thuhet në njoftimin zyrtar.
Ngjarja po hetohet dhe pritet që në ditët në vijim të zbardhen autorët dhe shkaqet e ngjarjes.
Discussion about this post