Një 50-vjeçar është arrestuar pas kërcënimeve me vdekje, në adresë të ambasadorit amerikan në Serbi, Christopher Hill. Kjo është konfirmuar për Tanjug, nga kryeprokurori publik i Prokurorisë së Lartë Publike në Beograd, Nenad Stefanoviç.
I arrestuari, siç dyshohet, në rrjetin social “Facebook” ka shkruar ndër të tjerash, “koha për një të shtënë të re nga Gavrilo Princip mu në kokën e okupatorit Christopher Hill”.
I dyshuari akuzohet për vepër penale kundër personave të mbrojtur sipas ligjit ndërkombëtar, tha prokurori Stefanoviç.
“I dyshuari brenda 48 orësh do të sillet në prokurori për t’u marrë në pyetje”, tha ai.
Ambasadori Christopher Hill është sulmuar verbalisht disa ditë më parë nga disa persona nëpër rrugët e Beogradit.
“Vrasësi po shëtit nëpër Beograd, i ftohtë si vdekja”, ” vrasësi i fëmijëve”, ” Kosova është pjesë e Serbisë”, ” Populli serb është me Rusinë”… kanë qenë thirrjet e personave që e kanë sulmuar ambasadorin Hill.
Discussion about this post