Policia ka zbardhur detaje të reja nga arrestimi i Lekë Vuksanit, i cili mesditën e 2 majit vrau me armë zjarri kushëririn e tij Petrit Vuksani, 51-vjeç.
Blutë bëjnë me dije se 34-vjeçari u lokalizua në një banesë në rrugën “Pjetër Budi”, Shkodër, ku ishte strehuar pasi kishte kërcënuar pronaren e kësaj banese.
“34-vjeçari u lokalizua në banesën e një shtetaseje, në rrugën “Pjetër Budi”, Shkodër, banesë në të cilën kishte mundur të strehohej pasi gjatë natës kishte kërcënuar pronaren e kësaj banese për t’i hapur derën dhe për të mos kallëzuar”- njofton policia.
Gjithashtu, në të njëjtën banesë, u gjet edhe arma e zjarrit automatik me të cilën dyshohet se autori kreu vrasjen.
Ngjarja e rëndë ndodhi ditën e djeshme rreth orës 12:15, të ditës së djeshme, në lagjen “Tom Kola”, ku Lekë Vuksani vrau me armë zjarri automatik, 51 vjeçarin Petrit Vuksani.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon punën për dokumentimin e plotë ligjor të këtij rasti.
Discussion about this post