Kërcënoi gruan me armë në sy të fëmijëve, arrestohet 50-vjeçari në Vlorë

Është arrestuar 50- vjeçari në Vlorë i cili mbrëmjen e djeshme kam terrorizuar familjen tij me armë zjarri.

Policia njofton se ngjarja ka ndodhur në fshatin Kaninë, ndërsa i arrestuari është identifikuar me iniciale V. A. Policia jep detaje se 50- vjeçari ka kërcënuar me armë zjarri bashkëshorten e tij, në prani të fëmijëve të mitur.

Ai gjuajti me armën e zjarrit brenda banesës dhe më pas u largua me shpejtësi, shërbimet e Komisariatit të Policisë Vlorë kanë shkuar menjëherë në vendngjarje.  50- vjeçari i identifikuar me iniciale V.A., u arrestua në kuadër të operacionit “Kanina”, pas disa orësh ndjekje.

Gjithashtu u sekuestrua arma e zjarrit tip kallashnikov dhe një sasi municioni luftarak, që ky i arrestuari kishte fshehur në një vend me bimësi, në afërsi të banesës.

Materialet iu referuan Prokurorisë, për veprime të mëtejshme.