Një 25-vjeçar shqiptar është dënuar me burg në Greqi ditën e sotme për kërcënim dhe dhunë. Mësohet se i riu akuzohet që ka kërcënuar ish të dashurën e tij pas ndarjes se do t’i publikojë disa video intime. Ka qenë 22-vjeçarja, e cila pas kërcënimeve të vazhdueshme ka kallëzuar në polici ish të dashurin e saj. Në këtë kuadër, policia ka arrestuar menjëherë të riun dhe e ka shoqëruar në komisariat.
Mësohet se shqiptari kërkonte të hakmerrej ndaj të resë, sepse ajo donte të ndahej nga ai. Historia nisi kur çifti regjistroi takimet e tyre seksuale, me miratimin e vajzës, megjithatë pa u shfaqur asnjë tipar. Më pas gjërat morën një kthesë të rrezikshme. Kur 22-vjeçarja vendosi t’i jepte fund lidhjes me 25-vjeçarin shqiptar, ky i fundit në shenjë hakmarrje videot ia dërgojë ish-të dashurës dhe nënës së saj.
Autori nuk u ndal me kaq . Shantazhi vazhdoi derisa ai kërcënoi se do ta ekspozonte të renë në punën e saj duke i dërguar video pornografike nëse ajo nuk jepte dorëheqjen. Për fatin e saj, 22-vjeçarja vendosi të marrë masa, të flasë hapur teksa kontaktoi Prokurorinë e Krimeve Kibernetike . Përfundimisht, autori, i cili kishte dyshimin absurd se ish-i i tij po e tradhtonte me kolegët e saj në punë, u arrestua, u shpall fajtor dhe u dënua me dy vjet e tre muaj burg.
Discussion about this post