Një person i shpallur në kërkim për kërcënim me armë ka rënë në prangat e policisë në Bulqizë. Burime nga policia për gijotina.com bëjnë me dije se paraditen e kësaj të mërkure është arrestuar i riu i identifikuar me iniciale D.K., 20 vjeç në pikën e Kalimit Kufitar Bllatë.
I arrestuari ka kërcënuar me armë zjarri në mars të këtij viti personin e identifikuar me iniciale A. Gj. Sipas policisë shkak është bërë një konflikt për motive të dobëta.
Ndaj të riut Gjykata e Shkallës së Parë Dibër, ka vendosur në mungesë masën e sigurisë “Arrest në burg”, për veprat penale “Kanosja” dhe “Armëmbajtje pa leje” me të cilat pritet të përballet.
Pas marrjs në dëshmi të tij, pritet gjithashtu të zbadhet e plotë ngjarja.
Ndërsa, materialet procedurale i kaluan Prokurorisë së Rrethit Gjyqësor Dibër për veprime të mëtejshme.
Discussion about this post