Një 46-vjeçar ka rënë në prangat e Policisë së Tiranës ditën e sotme. Sipas burimeve bëhet me dije se kishte ushtruar dhunë ndaj familjarëve të tij dhe i kishte kërcënuar se do i vriste me sëpatë.
Ngjarja ka ndodhur në rrugën “Mark Bajraktari”, në kryeqytet.
Uniformat blu bëjnë e dije se 46-vjeçari, Flamur Hoxhallari ka ushtruar dhunë ndaj vëllait dhe bashkëshortes së vëllait të tij, si dhe i ka kërcënuar me jetë. Mjeti prerës (sëpatë) u sekuestrua në cilësinë e provës materiale.
Njoftimi:
“Arrestohet një 46-vjeçar që kishte ushtruar dhunë ndaj familjarëve të tij dhe i kanoste ata se do t’i vriste, me mjet prerës (sëpatë). Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.”
Discussion about this post