Policia e Korçës ka nisur procedimin në gjendje të lirë ndaj një 55-vjeçari, i cili dyshohet se për motive pronësie ka ushtruar dhunë psikologjike ndaj kunatës dhe e ka kërcënuar me sëpatë.
Për të shuar konfliktin ka ndërhyrë një tjetër person, por edhe ky i fundit është kërcënuar me sëpatë nga 55-vjeçari.
“Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin T. B., 55 vjeç, banues në Korçë, pasi dyshohet se për motive pronësie, ka ushtruar dhunë psikologjike ndaj bashkëshortes së vëllait të tij, si dhe ka kanosur me mjet të mprehtë (sëpatë), këtë shtetase dhe një shtetas tjetër që ka ndërhyrë për të neutralizuar konfliktin. Në cilësinë e provës materiale u sekuestrua mjeti i mprehtë”, njofton Policia.
Discussion about this post