Kërcënoi me thikë dhe sëpatë infermierin, arrestohet 47-vjeçari

Një 47-vjeçar në Maliq, është arrestuar nga policia pasi ka kanosur me mjet të mprehtë dhe një send të fortë një infermier.

Ky shtetas, ditën e djeshme, në fshatin Klocë, në ambientet e brendshme të ambulancës të këtij fshati, ka kanosur për shkak të detyrës, shtetasin B. R., me detyrë infermier.

Gjatë kontrollit fizik që shërbimet e Policisë ushtruan ndaj shtetasit R. Gj., i gjetën një thikë, një sëpatë dhe një levë, të cilat u sekuestruan në cilësinë e provës materiale. 

Ai akuzohet për veprat penale “Kanosja për shkak të detyrës” dhe “Prodhimi, mbajtja, blerja apo shitja pa leje e armëve të ftohta”.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.