Video – Kërcënoi të vriste fqinjin me armë zjarri, arrestohet

Një 51-vjeçar është arrestuar nga policia e Vlorës pasi akuzohet se kërcënoi të vriste fqinjin me armë zjarri. Në pranga përfundoi  Erion Bodo.

“Shërbimet e Komisariatit të Policisë Vlorë pas informacionit të marrë se një shtetas posedonte armë zjarri dhe kishte konflikt me fqinjin e tij, konflikt ky që kishte arritur në kërcënime serioze për jetën, organizuan dhe finalizuan operacionin policor të koduar ‘Strike 21’, në kuadër të të cilit u bë kapja dhe arrestimi në flagrancë i shtetasit E.B., 51 vjeç, banues në Vlorë”, njoftoi policia.

Gjatë kontrollit në banesën e këtij shtetasi, shtuan të njëjtat burime, shërbimet e Policisë gjetën dhe sekuestruan një armë zjarri kallashnikov, të fshehur në një fuçi, së bashku me dy krehëra dhe 75 fishekë.