Kërcënon Brnabiç: Ne do të luftojmë gjithmonë për popullin tonë

Kryeministrja e Serbisë, Ana Brnabiç ka dhen një mesazh kërcënues pas ngjarjeve të së dielës në veri të Kosovës.

Brnabiç ka mbrojtur presidentin e saj Aleksandër Vuçiç, pasi ua hedhin fajin serbëve të Kosovës për sulmin terroristë në Manastirin e Banjskës në Zveçan.

Brnabiç ka goditur gazetën serbe “Nova”, e cila ka shkruar se Vuçiç ja ka hedhur fajin serbëve të Kosovës për sulmin terrorist në Kosovë.

“Është një gënjeshtër monstruoze e publikuar nga e përditshmja ‘Nova’, në faqen e saj të kopertinës në numrin e nesërm, se Aleksandar Vuçiçi ia ka hedhur të gjithë fajin serbëve në Kosovë e Metohi për gjakderdhjen.

Nuk ka njeri në Serbi që të mos ketë dëgjuar qartë që Aleksandar Vuçiç ka thënë se fajtori i vetëm dhe ekskluziv për gjakderdhjen në Kosovë e Metohi është Albin Kurti dhe politika e tij”, ka thënë ajo duke u përpiqur të mbrojë shefin e saj.

Me tone kërcënuese, Brnabiç përsërit deklaratën e Vuçiçit se nuk do të njohin kurrë pavarësinë e Kosovës dhe do të luftojnë gjithmonë për vendin dhe popullin e tyre.

“Ne do të luftojmë për vendin tonë dhe do të luftojmë gjithmonë për popullin tonë”, thotë ajo.