Një 30-vjeçar shqiptar është arrestuar në Itali pasi akuzohet se kishte hyrë në mënyrë të paligjshmë në territorin italian dhe për vjedhje.
Shqiptari i cili jetonte pa dokumentacionin e duhur në Itali ka tentuar marrjen me dhunë të një tregu kokaine në Verbano.
30-vjeçari kërcënonte vazhdimisht një shtetas nga Verbano që të shpërndante drogën që ai kishte sjellë në atë zonë. I shqetësuar për sigurinë e tij dhe të familjes, italiani pas shumë kërcënimësh dhe ultimatumeve ka vendosur të lajmërojë autoritetet lidhur me rastin.
Ndonëse edhe vetë merrej me trafikim droge, italiani tha se nuk kishte pranuar të trafikonte drogën e sjellë nga shqiptari dhe iu tregoi autoriteteve vendin ku lënda narkotike ishte fshehur, raportojnë mediat italiane.
Agjentët e Seksionit Kundër Drogës, pasi shkuan në vendngjarje, gjetën dhe sekuestruan mbi 200 gram kokainë. pas një operacioni policor shqiptari u dorëzua në momentin e marrjes së parave për drogën. Pas arrestimit gjatë kontrollit fizik, në çantën e shqiptarit, policia gjeti shumën e parave të siguruara nga trafiku i lëndës narkotike.
Discussion about this post