Një 48-vjeçar ka rënë në prangat e policisë pasi akuzohet se dhunonte sistematikisht bashkëshorten në sytë e fëmijëve. Mësohet se, Besnik Marku u arrestua pasi ka kërcënuar me thikë në sy të fëmijëve të mitur bashkëshorten.
Kjo e fundit e ka kallëzuar të shoqin i cili më pas u kap dhe u shoqërua në ambientet e Policisë. Në cilësinë e provës materiale u sekuestrua thika e përdorur nga Marku.
Ndërsa L. M. iu plotësua kërkesëpadia për lëshimin e Urdhrit të Menjëhershëm të Mbrojtjes. Materialet procedurale iu referuan Prokurorisë pranë Gjykatës së Shkallës së Parë Lezhë, për veprime të mëtejshme.
Discussion about this post