Tre persona janë plagosur nga të shtënat me armë zjarri në Mitrovicë të Kosovës. Mësohet se, mesnatën e kaluar ka ndodhur një përleshje mes disa të rinjve, ku më pas, sherri ka degraduar deri në përdorimin e armëve të zjarrit. Si pasojë, tre persona janë plagosur rënë, dy prej të cilëve kanë marrë plagë në këmbë, nga arma e zjarrit.
Sakaq, nuk dihen shkaqet e vërteta që çuan të rinjtë në këtë përplasje, por dyshohet se gjithçka ka ndodhur për shkaqe banale. Gjithsesi policia po bën hetimet për të zbuluar të vërtetën, ndërsa disa nga personat e përfshirë në sherr kamë shoqëruar në komisariat ku dhe po merren në pyetje.
Kosova është përballur këto ditë me shumë ngjarje të rënda, ku më e fundit dhe tragjike ishte rasti në Deçan, ku mbetën të vrarë dy nxënës dhe shoferi i autobusit me të cilin ata udhëtonin.
Discussion about this post