Të shtëna me armë zjarri në Podujeve të Kosovës. Sipas zëdhënësit të Policisë për Rajonin e Prishtinës, Agon Borovci janë plagosur dy persona. Ndërkohë që në vendin e ngjarjes po vijojnë ekzaminimet. Ende nuk dihen arsyet, ndërkohë që të plagosurit janë dërguar në spital.
“Sot rreth orës 16:00, është raportuar për gjuajtje me armë zjarri të ndodhur në rrugën “Nuhi Gashi” në Podujevë. Me të marrë informatën, policia ka dalë në vendin e ngjarjes dhe nga informacionet e para dyshohet se dy persona kanë marrë plagë nga arma e zjarrit. Të plagosurit janë dërguar për trajtimin e nevojshëm mjekësor derisa policia ka vazhduar me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe arrestimin e të dyshuarve të implikuar në rast”, tha Borovci.
Dëshmitarët nga vendi i ngjarjes thonë se të shtënat me armë kanë ardhur nga një makinë në lëvizje.
Discussion about this post