Të shtëna me armë zjarri janë raportuar në Tiranë. Burime nga policia bëjnë me dije se paraditen e sotme te nënkalimi te Liqeni i Thatë, një person ende i paidentifikuar ka qëlluar me armë zjarri në drejtim të mjetit me shofer Lulzim Masha 63 vjeç, administrator i një shkolle.
Si pasojë e të shtënave, nuk ka persona të lënduar.
Nuk dihen ende motivet e këtij atentati i cili dyshohet se është paralajmërues. Ndërsa policia po heton për të shkuarën e Lulzim Mashës.
Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.
Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes.
Discussion about this post