Të shtëna me armë zjarri janë regjistruar mesditën e sotme në Vlorë. Ngjarja ka ndodhur në plazhin e Zvërnecit.
Mësohet se pas një konflikti mes disa personave, njëri prej tyre ka qëlluar tre herë në ajër.
Për pasojë nuk raportohet për të lënduar në njerëz. Ndërkaq në vendin e ngjarjes kanë mbërritur shërbimet e policisë, pasi kanë marrë njoftimin për të shtëna.
Policia vijon ende kontrollet për gëzhojat. Dyshohet se personi që ka qëlluar ka qenë në lëvizje me motor.
Grupi hetimor po punon për zbardhjen e plotë të shkaqeve, ndërsa burime bëjnë me dije se kanë identifikuar një person të dyshuar.
