Nuk kanë kaluar as një orë nga atentati në Dukagjin dhe një tjetër ngjarje e rëndë shënohet në vend.
Një plagosje me armë zjarri mësohet se ka ndodhur në Malësinë e Madhe. I plagosuri është dërguar për kurim në Spitalin e Shkodrës.
Policia ka bërë me dije se shtetasi Emanuel Guri ka mbetur i plagosur (jashtë rrezikut për jetën) pas një sherri për motive të dobëta me dy bashkëfshatarët e tij.
“Rreth orës 20:50, në fshatin Demiraj, pas një konflikti për motive të dobëta mes shtetasve E. G., e A. K., me shtetasin S. B., ka mbetur i plagosur me armë zjarri pistoletë jashtë rrezikut për jetën, shtetasi E. G., 28 vjeç.
Në vendngjarje kanë shkuar menjëherë shërbimet e Policisë dhe grupi hetimor. Në vijim të veprimeve hetimore, u shoqërua në Komisariat për veprime të mëtejshme, shtetasi S. B., pasi dyshohet se gjatë konfliktit ka plagosur me armë zjarri shtetasin E. G.
Ndërkohë janë ngritur pika kontrolli dhe vijon krehja e zonës me qëllim kapjen e shtetasit A. K, i përfshirë në konflikt. Grupi hetimor nën drejtimin e Prokurorisë vijon punën për sqarimin e rrethanave të ngjarjes”, njofton policia.
Discussion about this post