Gjykata e Larte nuk ka pranuar rekursin e ish-kryebashkiakut të Himarës, Jorgo Goro, i cili kundërshtonte vendimin e Apelit të GJKKO-së, sa i takon vendimit të pafajësisë.
Po ashtu, në njoftim bëhet e ditur se Gjykata e Lartë ka prishur vendimin e Shkallës së Parë dhe Apelit të GJKKO-së, lidhur me konfiskimin e pasurive të paluajtshme.
Me vendimin e sotëm, Gjykata e Lartë e ka dërguar çështjen e sekuestrimit të pasurive të Goros për rigjykim në Shkallën e Parë të GJKKO-së, me një tjetër trupë gjykuese.
Goro është dënuar me 1 vit e 4 muaj heqje lirie për një çështje të tjetërsimit të një prone në zonën e Livadhës.
Kujtojmë po ashtu se Goro kishte vuajtur 17 muaj burg nga një tjetër dënim prej 2 vite e 20 ditësh, që lidhej me tjetërsimin e një sipërfaqeje prej 10 mijë metrash katrorë tokë në zonën e Gjilekës, në Himarë.
Mbi Jorgo Goron rëndojnë disa akuza si ‘Shperdorim detyre’ dy here, kryer ne bashkëpunim; ‘Refuzimi për deklarimin, mosdeklarimi, fshehja ose deklarimi i rremç i pasurive, interesave private të personave të zgjedhur dhe nëpunesve publike ose i çdo personi tjetër që ka detyrimin ligjor per deklarim’.
gijotina.com/
Discussion about this post