Pas vendimit të sotëm të Lulzim Bashës për të shkarkuar disa sekretarë degësh në rrethe, ka reaguar grupi i vetëshpallur me emrin “Komisioni i Rithemelimit të PD”.
Përmes një deklarate, ata i bëjnë thirrje sekretarëve të injorojnë Lulzim Bashën, pasi sipas tyre ai shkarkuar nga 4446 delegatë në 11 Dhjetor.
“Kukulla e shkarkuar e Edi Ramës me 4446 vota delegatësh në Kuvendin Kombëtar të PD, ka shpërndarë sot përmes gaztorit të tij disa fletushka për “shkarkimin” e sekretarëve në disa degë të PD!
Komisioni i Rithemelimit u bën thirrje të gjithë sekretarëve të injorojnë njoftimet pa asnjë vlerë juridike të deputetit Basha dhe të vazhdojnë intensivisht punën për organizimin e referendumit në dt 18.12.2021 duke respektuar kështu vullnetin dhe misionin e Kuvendit Kombëtar si organi me i lartë vendimmarrës i Partisë Demokratike.
Kultura e përjashtimit ka marrë fund! Vetëm të bashkuar do mund të FITOJMË!” – thuhet në njoftimin e grupit të Berishës, i cili është vetëshpalklur me emrin “Komisioni i Rithemelimit”.
Discussion about this post