Kërkesa që SPAK ka depozituar në Kuvend për arrestimin e deputetit, Arben Ahmetaj, është diskutuar në emisionin “Opinion”.
Gazetari Artan Hoxha tha se dyshohet se Ahmetaj është aksioner në një kompani ndërtimi që ka ndërtuar dhe pallate.
Këto pallate sipas tij, janë blerë nga Mirel Mërtiri dhe Klodian Zoto, të cilët janë dhe ndërtuesiti e inceneratorëve.
Gazetari thotë se ata kanë paguar për pallatet 490 mijë euro, të cilat kanë shkuar për llogari të kompanisë së ndërtimit dhe më pas te llogari e aksionarit.
“Dyshohet se Ahmetaj është aksioner në një firmë ndërtimi dhe një pjesëtarë i afërm i tij, kanë ndërtuar një pallat që e kanë blere Mirel Mërtiti dhe Klodian Zoto, paratë kanë shkuar për llogari të kompanisë. SPAK dyshon se për këto para, 490 mijë euro, janë përdorur një mekanizëm që mos shkojnë drejtpërdrejt te ai. Paratë kanë shkuar në këtë formë, këto para pasi janë derdhur në llogari të kompanisë, janë derdhur për llogari të aksionarit. Se si janë ndarë ato para do e zbuloj hetimi”, tha Hoxha.
Ndërsa gazetarja Klodiana Lala pohoi se për herë të parë del një lidhje e Arben Ahmetajt me Edmond Begon, ndërsa shprehet se është pikërisht një vile në Palasë që biznesmeni ia ka kaluar ish-ministrit.
“Për herë të parë del lidhja e Ahmetajt me biznesmenin Edmond Bego. Aktualisht ai operon në fushën e ndërtimit. SPAK nuk e sqaron lidhjen e Ahmetajt me Begon. Më herët PD ka patur një kallëzim që lidhet me privatizimin e një trualli nga zoti Bego, por SPAK thotë se zoti Bego përmes personave të dytë ka kaluar në pronësi të ish-bashkëshortes së zotit Ahmetaj një vilë në Palasë që është në emër të një zonje me inicialet E.D, por prokuroria thotë që kemi siguruar prova që është pasuri e zotëruar nga ish-bashkëshortët, A.M dhe zoti Ahmetaj”, tha Lala.
Discussion about this post