Kërkesa e SPAK për heqjen e imunitetit të deputetit socialist Alqi Bllakos që do të çonte në arrestimin e tij, ka mbërritur në zyrat e Kuvendit. Mësohet se, kryetarja Lindita Nikolla ka thirrur ditën e nesërme mbledhjen e Këshillit të Mandateve, që përbëhet nga 10 deputetë, të mazhorancës dhe opozitës.
Anëtarë të përhershëm të këtij këshilli janë: Lindita Nikolla (Grupi parlamentar PS), Klotilda Bushka (Grupi parlamentar PS), Ermonela Felaj (Grupi parlamentar PS), Arben Pëllumbi (Grupi parlamentar PS), Taulant Balla (Grupi parlamentar PS), Gazment Bardhi (Grupi parlamentar PD), Enkelejd Alibeaj (Grupi parlamentar PD), Ervin Salianji (Grupi parlamentar PD), Greta Bardeli (Grupi parlamentar PD) dhe Saimir Korreshi (Grupi parlamentar PD).
Në rregulloren e Kuvendit thuhet se Këshilli duhet të marrë një vendim për ta kaluar çështjen në seancën më të parë parlamentare, ndërkohë që deputetit, në këtë rast Bllakos, i lind e drejta të bëjë mbrojtje në raport me konstatimet e prokurorisë.
Discussion about this post