Pas reagimit të Erion Veliajt, i cili deklaroi se Këshilli Bashkiak nuk i kishte krijuar mundësinë që ai të mbrohej as fizikisht dhe as me shkrimi, para shkarkimit të tij nga detyra, ka ardhur një reagim nga nënkryetari i opozitës në Këshillit Bashkiak Dorjan Teliti. Ky i fundit, përmes një postimi në rrjetet sociale, kërkon sot një mbledhje urgjente të Këshillit Bashkiak, pasi sipas tij, duhet të garantohet që procesi i shkarkimit të Erion Veliajt të zhvillohet në përputhje me ligjin, duke i dhënë mundësi kryebashkiakut që të flasë në mbledhje.
Ai shton më tej se çdo devijim apo shkelje nga rregullat ligjore do të rëndojë nesër mbi qytetarët e Tiranës me faturë dëmshpërblimi prej qindra mijëra eurosh si pasojë e shkeljeve proceduriale.
Teliti thekson se shkarkimi i Erion Veliajt duhet të ndodhë sa më shpejt, por sipas tij, gjithmonë duke respektuar procedurën ligjore.
“Kryesia e Këshillit Bashkiak duhet të mblidhet URGJENTISHT SOT për të garantuar që procedura e shkarkimit të Erion Veliajt të zhvillohet në përputhje me ligjin (duke filluar nga e dëgjesa e tij në mbledhjen e Këshillit).
Çdo shkelje/devijim nga rregullat ligjore do të rëndojë nesër mbi qytetarët e Tiranës me faturë dëmshpërblimi prej qindra mijëra eurosh si pasojë e shkeljeve proceduriale.
Shkarkimi i Veliaj duhet të ndodhë sa më shpejt, por gjithmonë duke respektuar procedurën ligjore.” – shkruan Teliti.
Discussion about this post