Pas lajmit për një arrestim të mundshëm të deputetit socialist Alqi Bllako, ka ardhur reagimi i parë nga PS. Deputeti socialist Erion Braçe ka komentuar kërkesën e Prokurorisë së Posaçme Kundër Korrupsionit dhe Krimit të Organizuar (SPAK) për arrestimin Bllakos.
Në një prononcim për mediat, Braçe tha se duhet të bëhet drejtësi e se nuk preferonte të bënte komente politike, por do lërë drejtësinë të flasë.
Erion Braçe: Komentet do ishin politike, ndaj nuk ia vlen të flas. Të merret drejtësia me çështjen nga fillimi deri në fund, të nxjerrë konkluzionet e veta, është e tepër të bëjmë ne komente. Po ndërhymë ne me komente prishet hetimi.
Pyetje: A do japë dorëheqjen Bllako?
Erion Braçe: Komentet do jenë politike kështu që nuk ia vlen.
Kërkesa për arrestimin e Bllakos, vjen pas hetime të SPAK ku është vërtetuar se deputeti dhe ish-ministri Lefter Koka kanë shfrytëzuar postin për favorizimin e kompanisë koncencionare për inceneratorin e Fierit, në këmbim të shumave të mëdha monetare.
Discussion about this post