Ministri i Drejtësisë, Ulsi Manja ka dalë në një komunikim për mediat pas mbledhjes së qeverisë, ku ndër të tjera është pyetur nga gazetarët për kërkesën e SPAK për arrestimin e deputetit socialist Alqi Bllako.
Duke përdorur gjuhën e Ramës, ministri Manja tha se përgjegjësitë janë personale duke thënë se Bllako duhet të përgjigjet para drejtësisë nëse ka shkelur ligjin, por kjo nuk bën me faj PS.
“Në fakt pyetja juaj ka të bëjë me çështje të drejtësisë dhe qëndrimi i PS ka qenë i qartë se çështjat e drejtësisë ne i inkurajojmë për të bërë hetime dhe ne kemi ndërmarrë një nga reformat kryesore dhe ne kemi qen të bindur dhe sot më shumë se kurrë pasi 99.9% e shqiptarëve donin drejtësi të pavarur. Çështjet e drejtësisë janë të drejtësisë, kushdo shkel ligjin janë përgjegjësi personale, është partia që është votuar nga mbi 800 mijë shqiptarë për të qeverisur”, tha Manja.
Deputeti socialist Alqi Bllako pritet që gjatë ditës së sotme t’i paraqesë Kryetares së Kuvendit, Lindita Nikolla dorëzimin e mandatit si deputet i Republikës së Shqipërisë dhe të përballet me akuzat e SPAK për inceneratorët.
Discussion about this post