Kërkesa për liri, caktohet data e seancës për masën e sigurisë ndaj Metës

Më 19 nëntor do të mbahet seanca në Gjykatën e Posaçme të Apelit për masën e sigurisë ndaj ish-presidentit Ilir Meta.

“Seanca ndaj Metës në Apel për masën e sigurisë më 19.11.2024 ora 10:00”, thuhet në njoftimin e gjykatës.

Presidenti i Partisë së Lirisë Ilir Meta u arrestua me urdhër të SPAK më 21 tetor pranë në kryeqytet. Ai akuzohet për korrupsion, pastrim parash dhe refuzim të deklarimit të pasurisë.

Meta i ka mohuar akuzat duke i quajtur politike, ndërsa ka ankimuar edhe masën e sigurisë arrest me burg vendosur ndaj tij nga Gjykata e Posaçme.