Ousmane Dembele duket gjithnjë e më larg Barcelonës. Agjenti i francezit u takua pasditen e sotme me drejtuesit e klubit për të vazhduar negociatat për rinovimin e kontratës, por takimi përfundoi pa marrëveshje dhe me qëndrime të largëta.
Gazetari Gerard Romero, i cili zbuloi samitin në kanalin e tij Tëitch, pohon madje se negociatat janë prishur dhe se Dembele nuk do të vazhdojë te Barça. Burime nga Barcelona kanë konfirmuar për gazetën katalanse “Mundo Deportivo” se takimi nuk ka shkuar ashtu siç kanë pritur, por se do të vazhdojnë negociatat në ditët në vijim sepse dëshira e lojtarit është të vazhdojë te Barça. Megjithatë, ata pohojnë se e shohin lojtarin më shumë larg se sa afër klubit dhe janë shumë pesimistë për vazhdimësinë e francezëve.
Madje, klubi shpresonte që takimi i sotëm të ishte vendimtar dhe të lajmërohej rinovimi i sulmuesit francez. Por pretendimet financiare të bëra nga Moussa Sissoko, përfaqësuesi i Dembele, ishin shumë larg propozimit të klubit.
Discussion about this post