Dikur policia britanike kishte nxjerrë njoftim për shpërblim të kujtdo që do të kishte informacion për të, ndërsa deri më sot Gledis Mehalla 20 vjeç autor i një vrasjeje endej i lirë në Shqipëri. Megjithatë aventurat e tij morën fund sot ku i riu me rrezikshmëri të lartë shoqërore është kapur në Lushnjë, ku edhe fshihej prej kohësh.
I riu dyshohet se ka vrarë në muajin janar të këtij viti një person, së bashku me dy shokët e tij Josif Nushi, 26 vjeç, dhe Mihal Dhana, 27 vjeç. Gjykata në Mbretërinë e Bashkuar ka nxjerrë një urdhër arresti për të riun, në akuzën e “vrasjes”.
Theksojmë sërish se për kapjen e 3 të rinjve u dha dhe një shpërblim nga policia angleze, ndërkohë që Mehalla është arrestuar në vendin e tij të lindjes, Lushnje.
Arrestimi provizor i tij u bë me qëllim ekstradimi drejt Mbretërisë së Bashkuar, ku edhe do të vuajë dënimin e caktuar nga Gjykata Angleze për veprën penale “Vrasja”.
Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme.
