Policia kufitare e Kakavijës ka vënë në pranga një shqiptar i cili rezulton i kërkuar nga Interpol Tirana për trafik droge.
Mësohet se i kërkuari është kapur dje pasdite nga sektori i verifikimit të pasaportave të Kakavijës në bashkëpunim me policinë e Janinës në palën Greke.
Për arsye hetimore, nuk është bërë ende me dije identiteti i të arrestuarit.
Pritet që policia të dalë me një njoftim për shtyp për të zbardhur arrestimin dhe akuzat ndaj shqiptarit që dyshohet se është përfshirë në trafik droge.
Nuk dihet ende nëse ka bashkëpunëtorë në këtë vepër penale, që do të zbulohen pas marrjes nën pyetje të të arrestuarit.
Discussion about this post