Kërkohej nga Luksenburgu për grabitje me dhunë, kapet në Muriqan 40- vjeçari në Shkodër (EMRI)

Pjetër Ndoci është arrestuar sot nga FAST Albania pasi ishte në kërkim për “Vjedhje me dhunë”.

Burime nga policia bëjnë e dije se 40- vjeçari është kapur në Pikën e Kalimit Kufitar Muriqan.

Ndaj këtij personi u ekzekutua, nga autoritetet policore të Malit të Zi, urdhër arresti ndërkombëtar i lëshuar nga autoritetet ligjzbatuese të Luksemburgut dhe vijojnë procedurat për ekstradimin e tij për në Luksemburg.

“Në kuadër të operacionit, në territorin e Malit të Zi, në pikën e kalimit kufitar midis Shqipërisë dhe Malit të Zi, bazuar në informacionet e dhëna nga FAST Albania, në bashkëpunim dhe me Drejtorinë Rajonale të Kufirit dhe Migracionit Shkodër, u bë e mundur kapja, nga FAST Montenegro, e shtetasit Pjetër Ndoci (Lleshi), 40 vjeç, lindur në Vrith, Shkodër, i shpallur në kërkim ndërkombëtar nga autoritetet policore në Luksemburg, për veprën penale “Vjedhja me dhunë””, njofton policia.