Një 25-vjeçar i shpallur në kërkim ndërkombëtar nga Suedia, për veprën penale “Mashtrimi” është arrestuar në Kukës.
Sipas policisë, u bë arrestimi provizor i personit të identifikuar me iniciale A. A., 25 vjeç, rezident në Suedi.
Arrestimi provizor i tij u bë me qëllim ekstradimi drejt Suedisë, pasi Gjykata e Jonkoping Suedi, me vendimin e datës 23.02.2022, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Suedisë.
Operacioni u zhvillua nga specialistët për Hetimin e Trafiqeve të Paligjshme dhe Narkotikëve në DVP Kukës, në bashkëpunim me Interpol Tirana.
Interpol Tirana, në bashkëpunim me autoritetet ligjzbatuese suedeze, vijon procedurat për ekstradimin e këtij shtetasi drejt Suedisë.
Discussion about this post