Kërkohej nga Turqia për vrasje, arrestohet në Tiranë 41- vjeçari “i rrezikshëm”

Një 41- vjeçar turk ka rënë sot në prangat e policisë në Tiranë pasi ishte në kërkim ndërkombëtar për vrasje.

Burime nga policia bëjnë me dije se bëhet fjalë për personin e identifikuar me iniciale U.C., i cili u arrestua paraditen e sotme në kuadër të operacioni “Taksim”, pasi akuzohet për vrasje.

Ai rezulton i arrestuar në Shqipëri për trafik të emigrantëve të paligjshëm, ndërsa grupet hetimore bënë me dije se 41- vjeçari ishte në kërkim nga Turqi për një vrasje të kryer atje.

Zyra e Kryeprokurorit Turqi/Stamboll, ka lëshuar urdhër arrestin për këtë shtetas, për veprën penale “Vrasja me dashje”, kryer në bashkëpunim.”

Gjatë kontrollit në banesën të arrestuarit U. C., shërbimet e Policisë gjetën dhe sekuestruan një sasi lënde të dyshuar narkotike të llojit cannabis sativa.

Interpol Tirana, në bashkëpunim me autoritetet ligjzbatuese turke, vijon procedurat për ekstradimin e këtij shtetasi.