Policia italiane ka vendosur në pranga një 29-vjeçar shqiptar, i cili ishte shpallur në kërkim ndërkombëtar pasi kishte një urdhër arresti për një vrasje në Shqipëri.
Shqiptari ishte në kërkim që nga shtatori i vitit të kaluar, pasi organet gjyqësore të vendit të tij kishin lëshuar një urdhër arresti ndaj tij për një vrasje të ndodhur në vendin tonë.
29-vjeçari kërkohej brenda dhe jashtë vendit nga autoritetet shqiptare, shkruan “Il Dolomiti”. Ai u arrestua mbrëmjen e së hënës.
Shqiptari lëvizte me një makinë së bashku me tre bashkatdhetarë të tjerë që jetonin në provincat e Trentos dhe Bolzanos. Ai është transportuar në burgun e Trentos e ndërsa pritet vendimi i gjykatës.
Discussion about this post