Kërkoheshin nga Italia dhe Zvicra, merr fund arratia e dy trafikantëve të drogës (EMRAT)

Dy trafikantë droge të shpallur në kërkim ndërkombëtar janë arrestuar sot në Tiranë. Burime policore bëjnë me dije se është arrestuar Bledar Bedini (Imami), 51 vjeç, banues në Tiranë, të cilin Gjykata e Apelit Milano e ka dënuar me 7 vjet burg, për veprën penale “Trafik narkotikësh”.

Alessandro Amorosi, 34 vjeç, banues në Itali, i cili ishte shpallur në kërkim ndërkombëtar, pasi autoritetet gjyqësore në Solothurn, Zvicër, kanë lëshuar urdhër arresti ndërkombëtar, për veprën penale “Shkelja e ligjit mbi drogat”, parashikuar nga Kodi Penal i Zvicrës.

Personat e arrestuar pritet të ekstradohen Italisë dhe Zvicrës për veprat penale, “Shkelja e ligjit mbi drogat” dhe “Trafik narkotikësh”.