Dy vëllezër shqiptarë janë arrestuar sot nga Interpol. Burime policore bëjnë me dije se në kuadër të operacionit të koduar “Valencia”, janë arrestuar personat e identifikuar me iniciale E. K., 37 vjeç dhe M. K., 41 vjeç, i cili përdorte një pasaportë të falsifikuar të Maqedonisë së Veriut.
Dy vëllezërit ishin në kërkim ndërkombëtar nga Spanja, për vrasje të mbetur në tentativë.
Ata pritet të përballen më akuzën për veprat penale “Vrasje me dashje e kryer në bashkëpunim”, e mbetur në tentativë dhe “Prodhim e mbajtje pa leje të armëve e municioneve luftarake” për të cilët Gjykata e Rrethit Gjyqësor Durrës ka caktuar masën e sigurisë “Arrest në burg”.
Vijon bashkëpunimi i ngushtë i strukturave të Policisë së Shtetit me homologët, për kapjen e personave të shpallur në kërkim ndërkombëtar.
Discussion about this post