Vijon ende mbledhja në Këshillin e Mandateve ku po diskutohet në lidhje me imunitetin e zv.kryeministres Belinda Balluku, të cilën SPAK kërkon ta arrestojë.
Mësohet se në vijim të pyetjeve të bëra nga Kryetari i grupit parlamentar të PD Gazment Bardhi, Prokuroria e Posaçme konfirmon se janë konstatuar fakte të tjera penale për Ballukun.
Prokurorët e Struktura e Posaçme Kundër Korrupsionit dhe Krimit të Organizuar (SPAK) kanë deklaruar se ndaj saj janë konstatuar fakte të tjera penale dhe gjendja e saj procedurale është rënduar, duke përfshirë rrezikun për të prishur prova ose për të kryer krime të tjera.
SPAK ka bërë me dije se më 20 Nëntor 2025, Balluku ka tentuar të ndikojë në dëshmitarë, duke u kërkuar atyre të ndryshojnë dëshminë. Personat e përfshirë në krim kanë kërcënuar dëshmitarët në emër të Ballukut, dhe kjo është dokumentuar në transkripte të bisedave që gjenden në 16 mijë faqet e dorëzuara nga prokuroria në Kuvend.
Prokuroria pohoi gjithashtu se as Balluku, as avokatët e saj nuk kanë ngritur pretendime për ndikim politik apo përndjekje politike, duke konfirmuar se hetimi nuk ka sfond politik. Avokatët e Ballukut kanë deklaruar se nuk kanë asnjë pretendim të këtij lloji, duke vërtetuar kështu që procesi është zhvilluar në kuadër të ligjit dhe pa motive politike.
Discussion about this post