Gjykata e Lartë ka lënë në fuqi vendimin për 8 vjet e 9 muaj burg për Safet Bajrin. Safet Bajri kërkoi lirinë me kusht, por nuk iu pranua. Gjykata e Lartë la në fuqi vendimin e dhënë nga Gjykata e Shkodrës, e cila njeh vendimin e gjykatave belge.
Shkodrani akuzohet për trafik droge e prostitucion nga nga Gjykata e Brukselit. Për këto akuza ai është dënuar nga Apeli në Bruksel me 9 vite burgim. Ndërkaq në Shqipëri, Safet Bajri akuzohet për trafik droge, vrasje, gjobëvënie e shantazh. Bajrit i janë sekuestruar një sërë pronash në Shqipëri.
Safet Bajri u arrestua katër vite më parë nga Forcat Operacionale të Policisë së Tiranës. Ai u ndalua në ambientet e një magazine në zonën e “Xhamllikut”, në kryeqytet.
Arrestimi i 34-vjeçarit u krye në kuadër të një procedimi penal të nisur nga Prokuroria e Krimeve të Rënda, prej afro një viti, pas dyshimeve për përfshirjen e tij apo drejtimin e një organizate kriminale të trafikut të lëndëve narkotike. Nga ana tjetër, ai figuronte në listën e personave më të kërkuar të Belgjikës, i dënuar me 9 vjet burg si kreu i një bande kriminale, që përpiqej të kontrollonte trafikun e drogës në Bruksel.
Discussion about this post