Gjykata Administrative rrëzon kërkesën e Kolegjit “Turgut Ozal” për pezullimin e vendimit për mbylljen e institucionit arsimor “Mehmet Akif Ersoy, vendim ky i marrë nga Ministria e Arsimit dhe Sporteve.
Në vendimin e saj, Gjykata Administrative shprehet se kopshti duhet t’i kërkojë dëmshpërblim ministrisë së Arsimit. Në fjalën e mbajtur pas seancës, avokati u shpreh se çështja do të shkojë në Gjykatën e Apelit. Ai tha se ky vendim i Ministrisë së Arsimit dhe Sporteve ka sjellë dëme të matshme dhe të dukshme për këtë institucion.
Qeveria shqiptare ka marrë vendimin për të mbyllur veprimtarinë e institucionin arsimor privat parauniversitar “Mehmet Akif Ersoy”. Në VKM, theksohet se ky institucion ka për detyrë të pajisë çdo nxënës me dokumentet e nevojshme për transferimin e nxënësve në një tjetër shkollë, të paguajë detyrimet e transferimit dhe tu kthejë paratë që kanë paguar për vitin shkollor. Në VKM shtohet gjithashtu se godina duhet t’i kthehet shtetit shqiptar.
Discussion about this post