Në GJKKO ditën e sotme pritet të mbahet seanca e radhës për Fredi Belerin, ku pritet që Gjykata të shprehet mbi kërkesën për shpalljen e pavlefshme të akteve hetimore.
Mes tyre janë përgjimet dhe survejimet në terren të kryetarit të zgjedhur të Bashkisë së Himarës.
Beleri kërkon pushimin e çështjes, me pretendimin se nuk ka asnjë provë që ta përfshijë në veprën penale për të cilën akuzohet.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota. Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin.
Aktualisht Beleri ndodhet në burgun 313 të Tiranës, ndërsa Kokaveshi në Qendrën Spitalore Universitare “Nënë Tereza”.
Discussion about this post