Ditën e djeshme, gjyqtarja e gjykatës Kushtetuese Marsida Xhaferllari ka depozituar për të dytën herë kërkesën për t’u tërhequr nga çështja e ish kryeministrit Sali Berisha. Por edhe këtë herë, kërkesa i është rrëzuar.
Më herët, Berisha i ka kërkuar gjykatës të përjashtojë nga çështja e tij Xhaferllarin, por kjo kërkesë u rrëzua me shumicë votash si e pabazuar në prova.
Berisha pretendoi se Xhaferllari ishte bashkëjetuese e Enkeljed Alibeaj dhe shqyrtimi i çështjes nga ajo sipas tij përbënte konflikt interesi.
Ish-kreu i komanduar i PD-së, Enkelejd Alibeaj, është i vetmi deputet nga radhët e opozitës që mori pjesë në këshillin e mandateve dhe votoi pro heqjes së mandatit për Sali Berishën në kohën kur u kërkua nga SPAK.
Discussion about this post