Personat me aftësi të kufizuara në qytetin e Korçës, kanë zhvilluar sërish një protestë para bashkisë, pasi kërkojnë marrjen e pagave të prapambetura.
Mësohet se, janë shoqata e të verbërve, ajo e invalidëve para-tetraplegjikë dhe personave të tjerë me aftësi të kufizuara që po protestojnë për pagat që nuk i kanë marrë prej vitesh.
Protesta ka ardhur pas gjyqit të fituar dhe ankimimit që do t’i bëjë Bashkia këtij vendimi. Me pankarta në duar protestuesit i kërkojnë bashkisë të mos e apelojë vendimin e gjykatës e cila ka vendosur në favor të tyre për pagesat e prapambetura me qëllim zgjatjen e proceseve, por të marrin sa më parë paratë e tyre.
Gijotina.com raporton se një protestë e ngjashme u zhvillua para një muaji, por Bashkia nuk ka marrë asnjë masa duke i detyruar të ngrihen sërish në protestë për paratë e tyre.
Protestat për rrogat e prapambetura janë të shpeshta në vendin tonë, pasi herë pas herë qeveria apo pushteti lokal abuzojnë me dhënien e tyre. /Gijotina.com
